Inkuru dukesha Ikinyamakuru The New York Times, ivuga ko uwitwa John Gillotte yanduye Covid-19 muri Werurwe 2020, ubwo yari atuye ahitwa Seattle.
Yahawe ibitaro yongererwa n’umwuka igihe cy’iminsi myinshi, ari nako yaje guhangana n’inkurikizi za Covid-19 mu gihe cy’amezi menshi; bimwe mu mayobera ajyanye n’inkurikizi za Covid-19:
Ese ninde ufite ibyago byinshi byo kugira izi ngaruka? Ese abantu bamwe na bamwe baba bafite ibyago byinshi byo guhura n’izi ngaruka kurusha abandi, haba ku mubiri, ku mikorere y’ubwonko cyangwa ibimenyetso bigaragaza ko ubwonko butarimo gukora neza, bishobora kumara amezi nyuma yuko bakira Covid-19?
Ubu itsinda ry’abashakashatsi bakurikiranye abarwayi basaga 200, mu gihe kiri hagati y’amezi 2-3, nyuma yuko bandura, bavuga ko bavumbuye impamvu zishobora kwifashishwa mu kumenya niba umurwayi ahura n’izo nkurikizi ziterwa na Covid-19.
Ubu bushakashatsi bwatangajwe ku wa 25 Mutarama 2022, bwagaragaje ibintu bine bishobora kuba bitera inkurikizi ziterwa na Covid-19, nyuma yuko umurwayi akira virusi itera covid-19.
Abashakashatsi bakaba barasanze hari isano hagati y’izi mpamvu na covid-19, bizwi nka sequelaeCovid-19(Uburembe bw’inkurikizi za Covid-19) niba uburwayi bwari bukomeye, cyangwa butari budakabije.
Bavuze ko ibyo babonye bishobora kuzabafasha mu gukingira izi ngaruka, ndetse no kuzivura, aho bazajya baha imiti irwanya virusi bakimara kuyibona mu mubiri w’umurwayi.
Prof. Steven Deeks avuga ko hazakenerwa ubundi bushakashatsi mu rwego rwo kwemeza ibimaze kugaragazwa.
Dr. Deeks yagize ati: “Bagaragaje impamvu enye kandi buri mpamvu irafatika, ibi nibiba byemejwe, twebwe abaganga tuzareba uburyo bwatuma izi ngaruka zitagera ku bantu.”
Imwe muri izo mpamvu ni ingano ya viurusi ya covid-19 iba iri mu mubiri.
Indi mpamvu ni abasirikare bibeshya bagafata ibindi bice by’umubiri, nkuko bijya bigaragara mu ndwara nk’indwara yo kubabuka iminwa (lupus) na rheumatoid arthritis(indwara ifata ingingo).
Impamvu ya gatatu ni virusi ifata abantu benshi bakiri bato, nuko nyuma bakabana nayo ariko itagira ingaruka ku buzima bwabo.
Impamvu ya nyuma ni ukuba umuntu arwaye diyabete yo mu bwoko bwa 2, kuko abashakashatsi bagaragaje ko diyabete ariyo ndwara ikaze cyane itera ingaruka zikururwa na Covid-19.
